Hér fyrir neðan er hægt að sækja rafræn umsóknareyðublöð fyrir árið 2010. Einnig er hægt að sækja handbók (á ensku) um notkun og innfyllingu eyðublaðsins.
 

Athugið að ekki er nóg að senda umsóknir rafrænt. Þær verður að prenta út, undirrita og senda með fylgigögnum, þ.m.t kvittuninni fyrir því að umsókn hafi verið send, í þríriti (frumrit og tvö afrit) til Landskrifstofu fyrir lok umsóknarfrests, 19. febrúar 2010.  Póststimpill gildir. Undirrituð umsókn á pappír er hin gilda umsókn og berist hún ekki á pappír á tilsettum tíma er hún ógild.

Landskrifstofa Menntaáætlunar ESB
Leonardo
Dunhaga 5
107 Reykjavík

  
ATH! Afar mikilvægt er að vista (Save) umsóknarformið strax í tölvunni ykkar áður en þið farið að fylla inn í það.
 

Leiðbeiningar fyrir rafræn umsóknareyðublöð - eForm

Rafræna umsóknarformið er pdf skjal sem hægt er að opna og vinna með í Adobe Reader í útgáfu 9 eða nýrri. Adobe Reader er ókeypis forrit og er hægt að sækja það á www.adobe.com

ATH! Kóðinn fyrir íslensku Landskrifstofuna (Identification) er IS1 LLP (LME)

• Umsækjandi verður að vera nettengdur til að sækja og senda inn rafræna umsóknareyðublaðið.
• Vistið eyðublaðið í tölvunni ykkar (velja Save). Það þarf ekki að vera nettengdur til að vinna með umsóknina í tölvunni.
• Til að athuga hvort eyðublaðið sé rétt útfyllt, þarf að smella á Validate-hnappinn. Ef ekki hefur verið fyllt rétt út, kemur upp ábending um það.
• Ekki er hægt að senda inn umsóknina fyrr en hægt er að "Validera" allt eyðublaðið. Þegar því er lokið og umsóknin telst gild,  skal smella á Submit Online - hnappinn. Þá er rafræna umsóknin send (tölvan þarf að vera nettengd). Ef sendingin heppnast opnast staðfesting á því ásamt frekari leiðbeiningum. Prentið þessa staðfestingu út og sendið ásamt umsókninni, útprentaðri í tveimur eintökum til Landskrifstofu (sjá póstfang á forsíðu umsóknar).
• Ath! Það er prentaða útgáfa umsóknarinnar sem er gild. Ef umsókn er breytt á síðari stigum (áður en umsóknarfrestur rennur út) og send aftur inn rafrænt, þarf að prenta umsóknina aftur út og undirrita og láta viðkomandi verkefnisstjóra vita.
• Vinsamlegast leitið fyrst upplýsinga í handbókinni um notkun rafrænu eyðublaðanna ef þið lendið í vandræðum.
• Ef ykkur vantar frekari aðstoð getið þið haft samband við Ástu Vigdísi í síma 525 4151 eða með tölvupósti: astavig(hjá)hi.is